8 сентябрьдә Иске Мичән мәдәният йортында узган гражданнар җыенында авыл башлыгы 2021–2026 елларга хисап тотты, ә озак еллар намуслы эшләгән механизатор Фидәел Сәйфетдинов Татарстан Республикасының электрон мактау тактасына кертелде.
2026 елның 8 сентябрендә Иске Мичән мәдәният йортында Мичән авыл җирлеге гражданнары җыены булып узды. Чарада Саба муниципаль районы башлыгы урынбасары Расих Закирҗанов катнашты.
Авыл җирлеге башлыгы Айзат Гараев 2021–2026 елларда авылда башкарылган эшләр турында хисап тотты һәм киләчәккә планнар белән таныштырды. Докладтан соң очрашу ачык әңгәмә форматында дәвам итте: халык үзенең борчулы сорауларын куйды, ә җитәкчеләр һәр мәсьәләгә тулы җавап бирде.
Аерым игътибарга лаек булган вакыйга — ООО «Саба»ның Мичән бүлекчәсендә озак еллар намуслы хезмәт күрсәткән механизатор Сәйфетдинов Фидәелнең Татарстан Республикасының электрон мактау тактасына кертелүе. Бу уңайдан аңа таныклык тапшырылды.
Нет комментариев