Иртәгә Сабада бизнес вәкилләре белән очрашу үткәреләчәк

Монополиягә каршы хезмәтнең Татарстан Республикасы идарәсе хәзерге заманда монополиягә каршы эшчәнлекне көйләүнең төп максатын һәм бурычларын аңлату буенча чаралар комплексы эшләде. Шул чаралар планы нигезендә республиканың муниципаль районнарында бизнес вәкилләре белән очрашулар үткәреләчәк. Саба районында эшмәкәрләрне кабул итү 11 октябрьдә башкарма комитет бинасының кече залында була. Монополиягә каршы хезмәтнең Татарстан Республикасы идарәсе начальнигы урынбасары тарафыннан эшмәкәрләрне кабул итү 9.30 сәгатьтә башлана. Сорауларыгызны бүгеннән әзерләгез. ­­