Ислам белгече: Үзеңне корбан итеп хис итү - балачакта алган тәрбия нәтиҗәсе
Ислам белгече фикеренчә, "корбан" ролендә яшәгән кеше башка милләт, дин вәкилләрен гаепли.
“Ислам дошманнары: гаепне кемгә сылтарга” дигән лекториясендә Татарстан Республикасы Фәннәр Академиясенең кече фәнни хезмәткәре Закир Шәрипов үзләрен “корбан” дип санаган кешеләр барлыгын әйтте. Белгеч фикеренчә, андый кешеләр барлыкка килүнең сәбәбе - балачакта дөрес булмаган тәрбия алу.
“Андый кешеләргә аларга балачакта мөстәкыйль сайлау ясарга яисә үз нәтиҗәләрен чыгарырга ирек бирелмәгән. Аларның тормыш тәҗрибәсе юк”, - дип белдерде ислам белгече.
Белгеч фикеренчә, мондый кешеләр мөселман дигендә булганда, алар кемнәрнедер - башка милләт, дин, социаль катлам вәкилләрен гаепли һәм аларны проблемаларның дошманнары дип атый.
“Бу – тирә-якка карата пассив карашта булган кешенең психологик халәте. Мондый кеше үзе өчен дә җавап бирә алмый”, - диде Закир Шәрипов.
Закир Шәрипов үзен “корбан” дип санаган кешеләрне хәтта инвалидлар дип санавын әйтте.
Ислам белгече андый кешеләргә Аллаһы Тәгаләдән ярдәм сорап мөрәҗәгать итәргә киңәш итте.
Фото: Зилә Мөбәрәкшина
Следите за самым важным и интересным в Telegram-каналеТатмедиа
Нет комментариев