Казан уртача хезмәт хакы күләме буенча Россия шәһәрләре унлыгына керде

Декабрь-февраль йомгаклары буенча Казан уртача хезмәт хакы күләме буенча Россия шәһәрләре унлыгына кергән. Шундый нәтиҗәне билгеле игъланнар сайты ясаган.

Сайттагы мәгълүмат буенча, Татарстан башкаласында уртача хезмәт хакы күләме 33,7 мең сум тәшкил иткән. Чаллы кешеләре 31,8 мең сум, Түбән Кама халкы 31,1 мең сум, Әлмәтлеләр 30,1 мең сум уртача хезмәт хакы алып эшли. Казанда иң зур хезмәт хакын менеджмент буенча тәкъдим итәләр (58,4 мең сум).

Эш эзләүчеләрнең 60 проценты ир-атлар булуы ачыкланган. Россия күләмендә исә эш эзләүчеләрнең 53 проценты хатын-кызлар, 47 проценты - ир-атлар.
http://tatar-inform.tatar