Казанда яңа мәчет төзелә [+фото ]

автор, 28 май 2016 - 07:52

720

Казан каласы тагын бер иман йортына артачак: Казансу буенда - Федосеев урамында яңа мәчет төзелеп килә.

- Башкаланың иң гүзәл урынында калкып килә торган Аллаһ йорты "Казан" производство-төзелеш берләшмәсе генераль директоры, ТР Дәүләт Советы депутаты Равил Җиһаншин ярдәме белән тормышка ашырыла, - дип аңлатма бирде бу уңайдан Татарстан мөфтие Камил хәзрәт Сәмигуллин.

Исегезгә төшереп узабыз: Казанда җәмгысе 50 дән артык мәчет эшли. Яңа мәчет Болгардагы Ак мәчетне хәтерләтәчәк, ди мөфтиебез. Казансу буе - халык иң күп йөри торган урыннарның берсе. Яңа мәчеткә килүчеләр дә күп булыр дигән фараз бар. Мәчет Ураза бәйрәменә ачылырмы-юкмы - вакыт күрсәтер.