Саба таңнары
  • Тат Лат
  • Казанның 16нчы хастаханәсеннән йөз яшьлек әби коронавирустан дәваланып чыккан

    Йөз яшьлек әби кислород бирүгә мохтаҗ булмаган, аны интенсив терапия кулланмыйча дәвалаганнар.

    Казандагы 16нчы клиник хастаханәсенең вакытлыча йогышлы авырулар госпиталеннән яңа коронавирусны җиңеп чыккан йөз яшьлек пациентны чыгардылар. Бу хакта «Татар-информ» корреспондентына клиника терапевты Рамилә Зарипова сөйләде.

    Хастаханәдә үткәрелгән компьютер томографиясе әбинең үпкәләренең зарарлану күләме 15 проценттан артып китмәвен күрсәткән. ПЦР беренче мазогы уңай нәтиҗә биргән.

    16нчы хастаханә табиблары әбигә туры килә торган гормон терапиясе һәм канны сыекландыра торган препаратлар билгеләгән.

    Реклама

    «Пациентның хәле тотрыклы, сатурация, ягъни кандагы кислород дәрәҗәсе яхшы - 96-98 процент. Ягъни ул кислород ярдәменнән башка мөстәкыйль сулый», - диде табиб.

    Өлкән яшьтәге пациент өенә чыгарылган. Анда туганнары һәм якыннары ярдәмендә ул терапияне дәвам итәчәк.

    «Иң мөһиме, алар җитди авырудан соң бернинди өзлегүләрсез озын гомер кичерсеннәр», - диде табиб. 

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: