15 октябрь – Хәтер көне якынлаша. Шул уңайдан бүген Казан Кремле территориясендә шаһитләрне искә алу чарасы үтте.
Татарстан мөфтиенең беренче урынбасары Рөстәм хәзрәт Вәлиуллин җомга намазыннан соң, Кол Шәриф мәчетендә, шулай ук Сөембикә манарасы каршындагы татар ханнары җәсәдләре җирләнгән мавзолей-төрбә янында 1552 елда – Казан алынганда шаһит китүчеләрне, Гражданнар һәм Бөек Ватан сугышларында һәлак булучыларны искә алып, алар рухына, Аллаһы Тәгаләдән оҗмах теләп, дога кылды. Чарада ТР мөселманнары Диния нәзарәтенең Аксакаллар шурасы әгъзалары катнашты.
Казан Кремле территориясендә Казан ханнары – Олуг Мөхәммәд улы Мәхмүт хан һәм Мөхәммәт Әминнең җәсәдләрен җир куенына иңдерү чарасы Диния Нәзарәте һәм аның Аксакаллар шурасы тырышлыгы белән 2017 елның 19 маенда оештырылды һәм узды.
Фото: http://dumrt.ru
«ТАТМЕДИА" акционерлык җәмгыяте үз укучылары арасында акция уздыра.