Саба таңнары

Новиков: Татарстан алданган өлешчеләр өчен торак төзү буенча алдынгылар рәтендә

2021 ел ахырына республикада проблемалы барлык йортларны да кулланышка тапшырачаклар.

Татарстан — төзелеп килүче торак саны буенча Россиядә алдынгылар рәтендә, шулай ук монда проблемалы объектлар да аз. Бу хакта Татарстан Республикасының Алданган өлешчеләргә ярдәм фонды директоры Иван Новиков Андрей Кузьмин белән «Галстуксыз интервью» тапшыруында әйтте.

«Бездә федераль фонд директоры Константин Тимофеев кунакта булды. Без Татарстан позициясе һәм башка төбәкләрнең үз эшләрен ничек алып баруы турында сөйләштек. Һәм Татарстанның күп кенә төбәкләрдән алда баруын аңладык, бездә проблемалы объектлар бик аз», — диде Новиков.

Реклама

Ул проблемалы объектларның бер өлеше төзелеш йортлары санына тигез диде. Хәзер республика фонды реестрында 15 йорт, шуларның унбере проблемалы.

«Мин башка төбәкләрне карадым, шул ук Краснодар краен, Мәскәү өлкәсен, Ленинград өлкәсен. Мисал өчен, 2020 елда Мәскәү өлкәсендә 200 проблемалы объект өстәлгән», — дип аңлатты Иван Новиков. 

Чыганак: tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: