Питрәч районында ике машина бәрелешкән:корбаннар бар

Кичә Татарстанның Питрәч районында, ике автомобиль бәрелешү нәтиҗәсендә, бер кеше һәлак булган, ике кешенең сәламәтлегенә зыян килгән.
21 сәгать 40 минутта М-7 трассасының "Волга" - Кулаево - Питрәч юлында "Лада Приора" машинасы руле артында утырган 1988 елгы хатын-кыз юл хәрәкәте иминлеген тәэмин итүче тизлек сайламый һәм буран булуын исәпкә алмый. Каршы як хәрәкәт полосасына чыгу нәтиҗәсендә, аның машинасы "Chevrolet Cruze" (машина руле артында 1970 елгы ир-ат була) һәм аның артыннан баручы "ВАЗ 2109" ( руль артында 1982 елгы ир-егет утырган) белән бәрелешә.
"Лада Приора"ның 1969 елгы пассажиры алган тән җәрәхәтләреннән урында ук җан бирә. Әлеге машина белән идарә иткән хатын-кыз һәм 2008 елгы пассажир төрле җәрәхәтләр ала һәм хастаханәгә озатыла. ("Татар-информ")