Райондашыбыз – 3нче призер

автор, 19 август 2020 - 10:08

568

Казанда Татарстан Республикасының Архив эше буенча дәүләт комитеты игълан иткән “Гаилә архивын тапшыр”дигән конкурска йомгак ясалды. Бәйгедә катнашу өчен гаилә архивыннан Татарстан Республикасының барлыкка килү, үсеше, гаилә тарихын, гаилә әгъзаларының иҗтимагый һәм һөнәри эшчәнлеген, яшәгән җиреңнең тарихын чагылдырган язмалар, фотосурәтләр, үзеңнең нәсел шәҗәрәләрен күрсәтергә кирәк иде. Нәтиҗәләр ясаганда 37 конкурс материалы арасыннан Байлар Сабасыннан Муса Абдуллин эшенә III урын бирелде һәм 7 августта Казан Милли архив бинасында тантаналы бүләкләү узды.