Яңалыклар
Рифат Зарипов Салават концертын Зиннәтулла Билалетдинов белән бергә караган [+фото]
- 8 август көнне, Салават Зәкиевич концертына чакырды, - ди Рифат. - Хатыным бала белән бара алмады, үзем генә киттем. Урыным "Ак барс" хоккей командасы тренеры Зиннәтулла Хәйдәрович белән туры килде. Ул да үзе генә килгән. Концерт башланганчы рәхәтләнеп татарча аралашып утырдык.
![Рифат Зарипов Салават концертын Зиннәтулла Билалетдинов белән бергә караган [+фото]](/resize/shd//images/uploads/news/2017/10/12/f9287c2453a7087fd80a5bcbb4859908_XL.jpg)
"Салават күптән чакыра иде, ниһаять, килдем. 7 ел Салават концертын караганым юк", - ди. Хоккей турында да сөйләштек. Мин үзем "Ак барс"ның җанатары булгач, әлеге сөйләшү минем күңелгә аеруча да хуш килде. "Тренировкалар бара, уенга әзерләнәбез. Иртәгә президент килә, аны каршы аласы бар. "Татнефть-Арена"ның да директоры яңа кеше, составта да яңа уенчылар бар", - дип сөйләде.
Зиннәтулла Хәйдәрович бик гади һәм җайлы кеше икән. Концерттан соң йөзләгән тамашачы аның белән фотога төште.
"Концертларга йөрергә вакыт бик юк, әмма татар җырларын тыңлыйм", - ди. Мине дә беләм дигән булды әле. Күңеле булсын дигәндер инде.
Следите за самым важным и интересным в Telegram-каналеТатмедиа
Нет комментариев