Ринат Билалетдиновны "Торпедо"га чакыралар

Ринат Билалетдиновның соңгы эш урыны Казанның "Рубин" командасы булды. Ул 2015 елның сентябрендә "Рубин"нан отставкага озатылган иде.

- "Торпедо"дан, дөрестән дә, шалтырату булды, - дигән Ринат Билалетдинов. - Тәкъдим дә, уйланырга вакыт та бар. Барысын да бизмәнгә салып үлчәргә кирәк әле. Моннан тыш та берничә командадан чакырулар булды. Чемпионат азагына кадәр карар кабул итәргә җыенмыйм. Чөнки ныклап уйланырга кирәк.

Сүз уңаеннан, әле кайчан гына Россия чемпионатының иң югары лигасында чыгыш ясаган атаклы "Торпедо" бүген Профессиональ футбол лигасы дип аталучы 2 нче лигада чыгыш ясый. Дәрәҗәсе ягыннан Россиядәге өченче лига гына булса да, "Торпедо" анда да артта сөйрәлә.

http://intertat.ru