Россия Пенсия фонды пенсия таныклыклары бирүне туктатачак

2015 елның 1 июленнән Россия Пенсия фонды территориаль органнарында теләсә нинди төр пенсия билгеләгәндә пенсия таныклыклары (удостоверение) бирү туктатыла. Кирәк булган очракта, пенсионер соравы белән, тору урыны буенча Россия пенсия фонды идарәсеннән пенсия билгеләү һәм аның күләме турында белешмә (справка) бирелә. Шуңа кадәр бирелгән пенсия таныклыклары гамәлдә кала.

Мондый үзгәреш исә пенсионерлар дәүләт хезмәте алсын өчен ведомтвоара электрон документ әйләнеше гамәлдә булу, кәгазь таныклыкларга ихтыяҗ булмау белән аңлатыла.

Бу хакта Россия Пенсия фондында мәгълүмат бар. Шул рәвешле, үзгәрешләр Татарстанга да кагыла.

"Татар-информ"