Рөстәм Миңнеханов Татар посткроссингы сервисында теркәлде

автор, 7 май 2021 - 14:33

575

Татарстан Президенты Рөстәм Миңнеханов татар посткроссинг платформасында - «Миллиард.Татар» сайтының һәм «Хатлар йорты» сервисының бөтен дөнья буйлап креатив кәгазь открыткалар алмашу өчен төзелгән уртак проектында теркәлде.

Республика җитәкчесе "Татмедиа" әдәби кафесында стендтан өч открытка сайлап алды һәм хатлар җибәрү формасыннан файдаланды. Сайт өч адрес буенча открыткалар җибәрергә тәкъдим итте - Ереван, Актүбә һәм Казанга.

ТР Президентыннан юлламаларны адресатлары почта аша алачак. Хәзер сервисның теләсә кайсы кулланучысы республика җитәкчесенә шәхсән үз хатын җибәрә алачак.