Саба аграр көллияте хоккей командасы җиңү алып кайтты

3-5 март көннәрендә Әлмәт шәһәрендә Татарстан Республикасы урта һөнәри белем бирү уку йортлары арасында хоккей буенча кышкы II Спартакиада үткәрелде. Командалар узара "А" (Мамадыш, Саба, Әлмәт) һәм "Б" (Чаллы, Казан, Лениногорск) төркемнәренә бүленеп көч сынашты. Саба аграр көллияте командасы мамадышлыларны 9:4, Әлмәтне 4:1, Лениногорск хоккейчыларын 6:3 исәбенә җиңеп, финал уенына үтте. Финалда Яр Чаллы педагогия көллияте командасын 4:1 исәбе белән җиңеп,1 урынны яулады. Саба аграр көллияте хоккей командасын кубок, медаль, 110 мең сумлык сертификат белән бүләкләделәр. (Тренерлары Миннәхмәт Галимов, Айрат Әхмәтшин).