Саба районы укучылары - “IT-чем­пион” конкурсы җиңүчеләре

Шушы көннәрдә Казанда IT-парк­та Татарстан Президенты Рөстәм Миң­неханов катнашында "IT-чем­пион" республикакүләм конкурсы җиңүчеләрен тәбрикләделәр. Бүләк­ләнүчеләр арасында районыбыздан Саба гимназиясе укучысы Аделина Федорова, Тимершык урта мәктәбеннән Миләүшә Фатыйхова, Арташ төп мәктәбеннән Гүзәл Салихова да бар. Алар өчесе дә өлкәннәрне электрон хезмәтләрдән файдаланырга күнектергәннәре өчен ноутбук ияләре булдылар. Моннан тыш быел конкурс кысаларында "Иң актив мәктәп" номинациясе дә гамәлгә кертелгән иде. Әлеге номинациядә безнең районнан Арташ төп мәктәбе җиңүгә иреште һәм интерактив такта белән бүләкләнде.