Сабада иртәгәдән “Талант-шоу” башлана

Узган ел ахырында Саба муниципаль районы башлыгы хезмәт ияләренең, аеруча яшьләрнең ялын файдалы итеп оештыру һәм хезмәт кешесенең рухи ихтыяҗын баету, халык талантларын үстерү, шулай ук төрле яшьтәге кешеләрне мәдәният тормышына якынайту, яшь буында татар халык көйләренә, җырларына мәхәббәт тәрбияләү, аларның активлыгын үстерү максатыннан учреждение, оешма һәм предприятиеләр арасында "Талант-шоу - 2016 " конкурс-кичәләре үткәрү турында карар кабул итте. Хәзер шул конкурслар башланып китә. Саба зонасында беренче булып 5 февральдә Саба гимназиясе талантлары сәхнәгә чыга. Шәмәрдән зонасында талантларын күрсәтүне (13 февраль) лицей башлый.