Синоптиклар Татарстанда яшен вәгъдә итә

Бүген кич, төнлә һәм иртәгә көндез Татарстанда урыны белән яшен булуы көтелә, җылы һава торышы саклана, дип хәбәр итәләр ТР Гидрометеорология һәм әйләнә-тирә мохитне күзәтү идарәсендә.

Республика халкын һава шартларының бераз бозылуы көтә. 2 нче июль кичендә, шулай ук төнлә һәм 3 нче июльдә көндез Татарстанда урыны белән яшен булачак, җилнең тизлеге - 15-20 м/с кадәр.

Моңа карамастан, һава температурасы югары дәрәҗәдә кала. Иртәгә төнлә Казанда 15-17, көндез 29-31 градус җылы булуы фаразланыла, республикада төнлә 13-18, көндез 27-32 градус җылы була.