Саба таңнары
  • Тат Лат
  • Соңгы тәүлектә Татарстанда коронавирус инфекциясенең 40 яңа очрагы теркәлгән

    Иң күп авыручылар республика башкаласында — 19 кеше.

    Татарстан Республикасында тәүлек эчендә Covid-19 инфекциясе белән зарарлануның 40 яңа очрагы теркәлгән. Бу хакта онлайн-брифингта ТР Президенты матбугат хезмәте җитәкчесе Лилия Галимова хәбәр итте.

    «Бүгенге көндә Татарстанда 40 яңа Covid-19 очрагы теркәлде – аның берсе читтән кертелгән, 39ы — контактлы», - диде Галимова.  

    Авыручыларның күбесе Казанда ачыкланган — 19 кеше һәм Чаллыда 9 очрак. 18 кеше хастаханәгә урнаштырылды, ә 22се өйдә дәвалана.

    Чир йоктыручыларның иң күбе 30дан 50 яшькә һәм 50дән 60 яшькә кадәр булган төркемнәрдә – аларда инфекцияле унар кеше булган. 60тан 70 яшькә кадәргеләр төркемендә 8 кеше, 70тән 80 яшькә кадәр 7 кеше чир йоктырган. 18дән 30га кадәр булган татарстанлылар арасында нибары өч зарарлану очрагы бар, ә 80дән 90 яшькә кадәрге кешеләр арасында ике кеше ачыкланган.

    Covid-19 инфекциясен ачыклау чорында Татарстанда  коронавирус белән авыручы 4390 кеше теркәлгән, алардан 3215 кеше сәламәтләнгән, шул исәптән 52се — узган тәүлектә. 1161 кеше дәвалана. Коронавирустан 14 кеше үлгән.

     

    Чыганак: https://tatar-inform.tatar/news/health/26-06-2020/so-gy-t-lekt-tatarstanda-koronavirus-infektsiyasene-40-ya-a-ochragy-terk-lg-n-575232

    фото tatar-inform

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: