Саба таңнары
  • Тат Лат
  • Тарих һәйкәлләрен саклау зоналары Татарстан геопорталында пәйда булды

    Мәгълүмат Казанның барлык тарихи мирас объектларына, шул исәптән Кремль территориясендәге объектларына да кагыла.

    Татарстан геопорталында тарихи һәм мәдәни мирас объектларын саклау зоналары турында белешмәләр барлыкка килде. Мәгълүмат инвесторлар өчен файдалы булырга мөмкин, дип хәбәр итте ТР мәдәни мирас объектларын саклау комитеты рәисе Иван Гущин.

    Ведомство коллегиясендә чыгыш ясап, комитет җитәкчесе 2020 елда Казанның тарихи үзәгендә саклау зоналарын билгели торган мөһим документлар раслануы турында сөйләде. Алар Татарстан башкаласының 570тән артык мәдәни мирас объектларына кагылды.

    "РФ Мәдәният министрлыгы һәм ТР Министрлар Кабинеты билгеләгән регламентларга яңа таләпләр тарихи үзәкнең инвестиция климатына уңай йогынты ясаячак. Режимнарда кабатланулар бетерелде, таләпләр һәр зона буенча барлык мөмкинлекләр һәм төзелешне тыюлар турында җентекле мәгълүмат бар. Саклау зоналары, төзелешне һәм хуҗалык эшчәнлеген җайга салу зоналары, саклана торган табигый ландшафт зоналары. Барлыгы мондый зоналар 100дән артык эшләнде», - диде Гущин.

    Реклама

    «Кабул ителгән карарларны мөмкин кадәр күбрәк файдалану өчен без Татарстан Республикасы геопорталына сак зоналары буенча мәгълүмат керттек», - дип ассызыклады комитет рәисе.

    Гущин сүзләренчә, геопорталда тәкъдим ителгән мәгълүмат шул исәптән ЮНЕСКО Бөтендөнья мирасы исемлегенә кертелгән Казан Кремле объектларына да кагыла.

    Чыганак: tatar-inform.ru

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: