Татарстан Республикасы төбәк белән идарә итү үзәгендә хакимият органнары өчен белем бирү программаларын үстерү турында фикер алыштылар

Яңа белем бирү модульләрен эшләтеп җибәрү перспективалары турында «Диалог» коммерцияле булмаган автоном оешмасы генераль директоры урынбасары Владимир Табак, «Диалог регионнар» коммерцияле булмаган автоном оешмасы генераль директоры урынбасары Кирилл Истомин, Татарстан республикасы Президенты Аппараты һәм Татарстан республикасы мәдәният министрлыгы вәкилләре белән фикер алыштылар.

"Белем бирү процессларын яхшырту өчен көчле регионнар федераль округларның компетенцияләре үзәгенә әйләнергә тиеш. Татарстан Республикасы төбәк белән идарә итү үзәге базасында белем бирү линейкасын уйларга кирәк. Укыту процессының өзлексез баруы мөһим, мәсәлән, бүген укуга төбәкләрнең мәгълүмати идарәләре җитәкчеләре, ә иртәгә — муниципалитетларның матбугат секретарьлары килде. Бу күп кенә кешеләргә үз компетенцияләрен күрсәтергә мөмкинлек бирәчәк", - дип билгеләп үтте "Диалог" коммерцияле булмаган автоном оешмасы генераль директоры урынбасары Владимир Табак.

Исегезгә төшерәбез, регион белән идарә итү үзәгенең проект офисы Казанда 2020 елның октябрендә ачылды, аның рәисе - Татарстан республикасында кеше хокуклары буенча вәкаләтле вәкил Сәрия Сабурская. Үзәкнең төп максаты - гражданнар һәм хакимият органнары арасында коммуникациянең нәтиҗәлелеген арттыру. Төбәк белән идарә итү  белгечләре республиканың дәүләт һәм муниципаль хезмәткәрләренең интернет-коммуникацияләр өлкәсендә квалификацияләрен күтәрү белән шөгыльләнә. Шулай ук үзәк «Инцидент Менеджмент» һәм «Халык контроле» системалары эшенә дә кураторлык итә.

Чыганак: Татарстан Республикасы Төбәк белән идарә итү үзәге