Саба таңнары
  • Тат Лат
  • Татарстанда бозлы яшенле яңгыр көтелү сәбәпле, шторм кисәтүе игълан ителде

    26 июньдә, җомга көнне, сәгать өчтән соң һава шартларының начараюы фаразлана.

    Татарстанда бозлы яшенле яңгыр көтелү сәбәпле, шторм кисәтүе игълан ителде. Бу хакта Татарстан Республикасы Гидрометеорология һәм әйләнә-тирә мохитне күзәтү идарәсе хәбәр итә.

    Идарә мәгълүматлары нигезендә, 26 июньдә, җомга көнне, сәгать өчтән соң шимбә иртәсенә кадәр урыны белән һава шартларының начараюы көтелә. Республикада урыны белән яшенле яңгыр фаразлана, көчәйгәндә секундына 24 метрга кадәр көчле җил, бозлы яңгыр явуы ихтимал.

    ТР Гадәттән тыш хәлләр министрлыгында республика халкына һәм кунакларына яңгырлы көчле җилнең бик куркыныч булуын искә төшерәләр.Кискен кирәк булмаганда өйдән чыкмау хәерле. Урамда биек агачлардан, билбордлардан, элмә такталардан һәм электр линияләреннән ераграк торырга кирәк.

    Машина йөртүчеләргә юлда бик игътибарлы булырга, кискен маневрлар һәм тоткарлыклардан сакланырга киңәш ителә. Җәяүлеләргә юл хәрәкәте кагыйдәләрен төгәл үтәргә, хәрәкәт итә торган транспорт алдыннан юл аркылы чыкмаска һәм яктылык кайтара торган элементлы кием кияргә кирәк.

    Чыганак: https://tatar-inform.tatar/news/society/26-06-2020/tatarstanda-bozly-yashenle-ya-gyr-k-tel-s-b-ple-shtorm-kis-t-e-ig-lan-itelde-5752386

    фото https://yandex.ru/images/search?text=%D1%88%D1%82%D0%BE%D1%80%D0%BC%D0%BE%D0%B2%D0%BE%D0%B5%20%D0%BF%D1%80%D0%B5%D0%B4%D1%83%D0%BF%D1%80%D0%B5%D0%B6%D0%B4%D0%B5%D0%BD%D0%B8%D0%B5%20%D1%82%D0%B0%D1%82%D0%B0%D1%80%D1%81%D1%82%D0%B0%D0%BD%20%D1%84%D0%BE%D1%82%D0%BE&stype=image&lr=43&source=wiz&pos=34&img_url=https%3A%2F%2Ftatarstan.ru%2Ffile%2Fnews%2F662_n1775690_big.jpg&rpt=simage

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: