Татарстанда чәчүне башламаган район калмады
ТР Авыл хуҗалыгы һәм азык-төлек министрлыгының 29 апрель көненә булган оператив мәгълүматларына караганда, Татарстанда язгы чәчү эшен башламаган районнар калмаган.
29 апрель көненә Татарстанда 211,6 мең гектар мәйданда сабан культуралары чәчелгән инде. Бу - планлаштырылган эшнең 12 %ы дигән сүз. Узган елның бу көненә 20,2 мең гектар мәйданда гына чәчү эше башкарылган булган.Республика буенча бөртекле сабан культуралары 156,1 мең гектарда (узган ел 17 мең гектар) чәчелгән. Бу - планның 15 %ы.
Пландагы эшнең үтәлеше буенча Зәй районына тиңнәр юк. Аларда чәчү эшенең 36 %ы (18,6 мең гектар) төгәлләнгән инде. Сарманда чәчүнең - 28 %ы (15,5 мең гектар), Нурлатта - 27 %ы (12,5 мең гектар) төгәлләнгән.
Следите за самым важным и интересным в Telegram-каналеТатмедиа
Нет комментариев