ТЕПЛИЦА СЫНМАСЫН

Моны булдырмас өчен, билгеле, нык каркаслы теплица алырга кирәк. Коррозиягә бирешми торган өслекле каркаска өстенлек бирегез. Моннан тыш арка адымнары да ешрак куелырга тиеш. Гадәттә, теплицалар 1 кв. метрга 20 дән 80 кг га кадәр карга чыдый. 7 см калынлыктагы (яки басылган 3,5 см лы) кар теплицаны 20 кг/кв. метр көч белән баса. Максималь 80 кг авырлык 27 см коры яки 13 см басылган кар дигән сүз. Монда әле кышкы җебетүләр, туңдырулар, ягъни карның каты элпә хасил итүе исәпкә алынмаган. Шуңа теплицаның кимендә 50 кг/кв. метр көчәнешкә түзә торганын алырга кирәген аңлыйсыздыр. Ул очракта да көчле бураннардан соң теплицаның түбәсен даими чистартып торырга кирәк. Бу эшне агач яки пластик көрәк белән, поликарбонатка зыян китермәскә тырышып эшләгез.

https://vk.com/irekmaydani