ЯҢА ЕЛДА ЯҢА МАШИНАЛЫ БУЛДЫЛАР

Узган ел ахырында булган Татарстан муниципаль берәмлекләре Советының VIII съездында Президент Рөстәм Миңнеханов катнашып, муниципаль берәмлекләр җитәкчеләренә башкарган эшләре өчен рәхмәт белдерде һәм 2014 елда республика файдасына хезмәт итүдә уңышлар теләде һәм авыл җирлекләре башлыкларына 100 автомобиль ачкычы бүләк итте. Безнең районнан Президент кулыннан "Шевроле Нива" машинасы ачкычларын Килдебәк һәм Түбән Шытсу авыл җирлекләре башлыклары Фәнис Гарифуллин белән Кадрия Дәүләтгәрәева алды. Аларга җирле үзидарәне үстерүдәге казанышлары өчен Грамоталар тапшырылды.