Саба таңнары
  • Тат Лат
  • Юрий Переведенцев: Соңгы елларда кар күбәя бара, быел да шулай булыр дип фаразлыйбыз

    «Быел кар вакытында ятты», — диделәр белгечләр.

    Быел кышын кар күп булырмы, юкмы — төгәл билгесез. «Соңгы елларда кар күбрәк була бара, мондый тенденция сакланыр дип фаразларга гына кала», — диде Казан федераль университетының метеорология, климатология һәм атмосфера экологиясе кафедрасы мөдире, профессор Юрий Переведенцев «Татар-информ» агентлыгында.

    Ул хәзер һава торышы шактый салкын булуын искәртте. Шәһәрдә һава температурасы 0дән 13 градуска, шәһәрдән читтән 18 градуска төшкәнен әйтте. «Кырларда әле кар юк, бу начар», — диде профессор.

    «Узган ел декабрьдә, кар юк, дип борчылдылар. Әле „карга тимәгез, бу безгә Яңа елга“ дип тә шаярттылар. Былтыр кар сентябрьдә үк төште, кар ятуның бу иң иртә чоры булгандыр, тик ул эреде. Быел кар вакытында ятты. Күпьеллык күзәтүләр буенча, беренче кар катламы октябрьнең соңгы көннәрендә, ә тотрыклы кар катламы — 17-19 ноябрьдә көтелә», — диде КФУ доценты Тимур Әүһәдиев.

    Реклама

    Ул кышның быел шактый иртә, ашкынып килгәнен белдерде. «Җепшек, юеш карлы вакыт белән „ләззәтләнергә“ өлгермәдек. Салкын һава кисәк килгәч, су өстендә боз да чәчәк рәвешендә, бизәкле булып катты», — диде доцент.

    Фото: Рамил Гали

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: