Заманча шигърият. Мәхәббәт турында шигырь. Укый Лилия Шагалеева

Дәһрилеккә күскән разый бәндә
Заманында ҡылған доғалар -
Шулар ғына һиңә тиеп яҙған
Байғош ҡына шиғырҙарҙы аңлар.

Һиңә уҡығанда, балҡый ине,
Һөйөү тураһында ҡысҡырып,
Шиғырҙарҙың һәр бер һүҙе, өнө,
Камил кеүек ине юлдары.

Әле баҡһаң, бер килбәтһеҙ, көйһөҙ
Һүҙ теҙмәһе булған ул икән.
Ниндәй хистәр ҡулды йөрөткән бит!
Хәҙер килеп һинһеҙ көн итәм.

Шиғыр яҙып ҡына һөйөү аҫрау
Мөмкин түгел, эйе, билдәле.
Яҙылдылар бит һуң, нишләтәйем,
Шытып сыҡты гөлдәр шикелле.

Хәҙер һиңә улар кәрәк түгел.
Кәрәк инеме икән ғөмүмән?
Етем шиғырҙарым, кисерегеҙ,
Иттек һеҙҙе икәү беҙ әрәм.

Ғәзиз Әбделмәнов