Үзе полиция, үзе "крыша"

Казанда уен бизнесы алып баручыларның «түбә»се булуда гаепләнгән элеккеге полиция хезмәткәре - 36 яшьлек Сергей Капустаны хөкем иттеләр. Ул Фучик урамында урнашкан уен бизнесын оештыручыларның берсенә канунсыз эшләрен үз канаты астына алырга теләвен җиткергән, моның өчен ай саен 10 мең сум биреп баруларын сораган. Капуста 30 мең сум табыш алып кына өлгергән, аның кырын эшен ачыклаганнар. Суд карары буенча ул 3 ел да 1 айга гомуми режимлы колониягә, шуңа өстәп, 1,2 млн сум штрафка да хөкем ителгән.

Безнең гәҗит