Саба таңнары

Сабинский район

Яңалыклар

Әзәрбайҗанда да “КамАЗ” җыя башладылар

Бу атнада Татарстан Президенты вазыйфаларын башкаручы Рөстәм Миңнеханов Әзәрбайҗанга эшлекле сәфәр кылды.

Республика башлыгының биредә татар җәмгыяте вәкилләре, Әзәрбайҗан Премьер-министры Артур Таһир углы Рәсе-Задә белән очрашуы турында хәбәр иткән идек инде.


Эшлекле сәфәрнең икенче кө­нендә исә Рөстәм Миңнеханов Бакуда узган бизнес-форумда кат­нашты. Анда ике республика арасында хезмәттәшлек өчен өметле юнәлешләр турында фикер алыштылар. Рөстәм Миң­неханов үз чыгышында ике арадагы хезмәттәшлек өчен өметле юнәлешләр дип сәнәгать, җи­тештерү, мәгълүмати структуралар тармагын атады һәм, кә­газьдән эшкә күчеп, хезмәт­тәшлекне ныгытыр чак җиткән­лек­не искәртте. Республика башлыгы сүзләре белән Әзәрбайҗан Премьер-министрының беренче урынбасары Ягуб Әюбов та килеште. Ул Әзәрбайҗандагы Ган­җә автомобиль заводында "КамАЗ" автомобильләрен җыю линиясе ачылуны да ике республика арасында хезмәттәшлек өчен мөһим вакыйга дип атады.


Республика башлыгының Әзәрбайҗанга баруы юкка түгел. Татарстанның Россия һәм дөнья күләмендәге көндәшлеккә сәләт­ле алдынгы төбәкләр рәтендә булганын хәзер инде чит илләрдә дә таныйлар. Рөстәм Миңнеха­нов чит илләр белән элемтәләрне җәелдерү, әлеге төбәкләрдә Татарстан товарларын таныту һәм республикага инвестицияләр җә­леп итү белән шәхсән үзе шөгыльләнә. Бу эшчәнлек аеруча мөһим юнәлешләрдән санала һәм, илдә катлаулы икътисадый вәзгыять хөкем сөрүгә карамас­тан, уңай нәтиҗәләргә китерә. Әзәрбайҗанда "КамАЗ" автомо­бильләрен җыю линиясе ачылу да - моның ачык мисалы. Хә­терләсәгез, күптән түгел узган Россия - Индонезия форумында Рөстәм Миңнеханов "КамАЗ" ав­томобильләрен Индонезиядә дә җыя башлау тәкъдиме белән чык­кан иде. Болар бар да "КамАЗ"ның халыкара мәйданда тоткан урынын ныгыту өчен эшләнә.


Эшлекле сәфәр ахырында Рөстәм Миңнеханов, Әзәр­бай­җан Президенты Илһам Алиев белән очрашып, үзара хезмәт­тәшлекне ныгыту турында сөй­ләште. Республика башлыгы Татарстанның киләчәктә Әзәр­байҗан белән бик күп проектларны тормышка ашырырга җы­енуын искәртте. Рөстәм Миң­неханов сүзләреннән аңлашыл­ганча, бу очракта сәнәгать тармагында хезмәттәшлек итү, нефть химиясе, машина тө­зелеше, авыл хуҗалыгы һәм көнкүреш техникасы җитештерү буенча тәҗрибә уртаклашу күздә тотыла.

("Ватаным Татарстан", /№ 55, 17.04.2015/)

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев