Айфон оту бәхетен дә сыныйлар

Сабада сайлаучылар тавыш бирү  участокларына үзе теләгән вакытта, ике  йомышын  бер итеп  килә. Кемнәрдер 11 сентябрьдә үк эштән кайтышлый гражданлык  бурычын үтәсә, икенчеләр шимбә  көнен сайлаган. Район территориаль  сайлау  комсиссиясе  рәисе Мәгъсум Галиуллин әйткәнчә, 13 сентябрь иртәсенә районда  участокларга беркетелгән 24 мең сайлаучының 14 меннән артыгы  65 проценты тавыш биреп өлгергән инде. Саба мәдәният  йортында  урнашкан участокта бүген  сәгать  10га 1351 сайлаучының 875е гражданлык  бурычын үтәгән. Шәхси саклык чаралары үтәлә, барлык кешегә  битлекләр һәм бюллетеньгә тамга салу өчен аерым  ручкалар  бирелә. “Мой Татарстан” челленджында катнашып айфон оту  бәхетен  сынап караучылар да шактый.  Инде 24 татарстанлы телефоны  булган. Кем белә, бәхет бәлки сабалыларга  да  елмаер