Бүген Саба аграр көллиятендә район башлыгы чыршысы үткәрелде.

Бүген Саба аграр көллиятендә  район башлыгы чыршысы үткәрелде. Балалар өчен әлеге чара Яңа ел каникулларында көтеп алынган тантаналардан санала. Көллияткә район  мәктәпләреннән өстәмә белем  алуда уңышка ирешкән  укучылар  чакырылган  иде. Район башлыгы Рәис Миңнеханов катнашучыларны  Яңа ел  белән тәбрикләп, матур теләкләр җиткерде.

"Иң  күңеллесе  – сезнең  каникул  вакыты.  Шулай  да иң  шатлыклысы –   барысы да  матур гына тәмамлануы.  Районда безгә бөтен бала  кадерле. Ә бу залдагылар мәдәният,  спорттагы, өстәмә белем алуда уңышлары белән  аерылып тора  Кайсы  яктан  булса да  алдынгы булу – зур бәхет. Сезгә  ак  көнләшү белән  карарга  кирәк.  Белемне һәм һөнәрне  сатып  алып   булмый.  Алар  үзегездән тора.  Шул  ук  вакытта республикада киләчәк  буынны   төре  һөнәрләргә өйрәтүдә ел  саен ниндидер  яңалык,  үзгәрешләр барлыкка  килә.  2024 елның республикада   Фәнни-технологик  үсеш   елы  дип  игълан ителүе дә уңышларга  китерде.  Дөрестән дә, нәрсәдер  уйлап  чыгармасак, хыялый  кешеләр булмаса,  алга  китеш юк. Инде   ясалма интеллектка  күчеп барабыз.  Россия  Федерациясендә бердәнбер шәһәр  – Иннополис  барлыкка  килә.  Без дә районыбызда  киләчәктә биополис  булдырырга хылланабыз.  Сезнең белән  сезнең өчен. Арагызда  фән белән, яңа технологияләр  белән шөгыльләнүчеләр   булыр дип  уйлыйбыз. Яңа  елда  барыгызга да яңа  уңышлар.  Бер-берегезне   хөрмәтләп, аралашып  яшәргә   язсын”,– диде район башлыгы.

 Чарада 2024  елда  район  күләмендә үткәрелгән айти чемпион бәйгесендә  җиңүчеләр  (беренче  унлыкка  кергән  укучылар) бүләкләнде.   Бәйге V-XI сыйныф  укучылары арасында район  башлыгы  тәкъдиме белән пенсия  яшендә өлкәннәргә салымнар  түләү  буенча шәхси электрон кабинетлар булдыруда  ярдәм итү  максатын   күздә тотып  оештырылды.  Әлеге бәйгедә Саба гимназиясеннән   Алия  Шәймәрданова 1нче  урынга лаек булды.

Чыршы бәйрәмендә катнашучыларга Кыш бабай, Кар кызы, әкият геройлары катнашында матур тамаша тәкъдим ителде һәм уен-конкурслар оештырылды. Сәхнәне “Пима”вокаль-инструменталь ансамбле чыгышы бизәде.