Җирлек башлыклары хисап тота

Хезмәт күрсәтү оешмалары җитәк­че­ләре ZOOM платформасы аша граж­даннарның  сорауларына җавап би­рергә әзер  иде. Җирлек башлы­гы Булат Мәүлетов чыгышында әй­телгәнчә, Түбән Шытсу, Югары Шытсу, Елыш авылларында 638 кеше яши. 2022 ел белән чагыштырганда шәхси хуҗалыклар 12гә артса да, халык саны 26 кешегә кимегән. Үлем-җитем табигый үсешкә караганда 3 тапкыр арткан,  пропискадан төшүчеләр 22 кешегә җиткән. Җирлектә былтыр бер никах та теркәлмәгән, 3 гаилә таркалган.

Хезмәт яшендәгеләрнең күбе­се “Шытсу” авыл хуҗалыгы пред­прия­тисендә эшли. Биләмәдә җиләк үстерү теплицасы төзелеше башланган. Анда 20 кешегә эш урыны булачак. Халык төрле чараларда катнаша, махсус хәрби операциядәгеләргә гуманитар ярдәм күрсәтә, үзара салымны түләми калучылар юк. “2024 ел өчен дә тиешле 341 мең сум җыелып бетте. Әлеге үзара салым Түбән Шытсуда юлларны төзекләндерүгә, Югары Шытсуда балалар мәйданчыгын эшләүгә һәм Елыш авылында зират территориясендә булган агачларны кисүгә тотылачак. Моннан тыш халык мөрәҗәгате буенча Югары Шытсу авылында федераль программа нигезендә Теле2 кәрәзле элемтә вышкасы урнаштырылды”,– дип сөй­ләде Булат Мәүлетов.

Узган жыенда бирелгән сорау­ларның үтәлешенә  килгәндә, Тү­бән Шытсуда аренда йортына су тө­шүне булдырмас өчен канау ка­зылган, урамнарда машиналар тиз­леген киметү чарасы күрелгән. Бы­ел авыл кешеләре йорт яны җир кишәрлекләрендә умарта оялары тоту таләпләрен үтәмәүчеләргә зар белдерде. Узган ел бал корты чагудан бер сыер үлгән. Умарталарны тиешле кагыйдәләргә туры китереп тотмау фактларын ачыклау буенча ветеринария берләшмәсенә хат язарга тәкъдим ителде.

Шул ук көнне җыен Сатыш мә­дә­ният йортында да булды. Җирлек баш­лыгы Фаил Шәфигуллин чы­гы­шында халыкның эшлекле ак­тив­лыгын яктыртуга зур урын би­рел­гән иде. Биләмәдә барлыгы 19 шәхси эшмәкәр һәм крестьян фер­мер хуҗалыгы теркәлгән, 81 үзмәшгуль граждан бар. Быел бер шәхси эшмәкәр Мамалай авылында яңа кибет ачарга планлаштыра. “Җирлектә үз эшләрен җәелдерергә теләүчеләргә буш биналар бар. Мамалай, Сатыш авылларындагы райпо кибетләре, Сатыш клубы би­насы буш. Аларны сатып алырга була. Авыл җирлеге Советы бизнес ачам диюче гражданнарга һәрвакыт ярдәм итәргә әзер”,– диде Фаил Шәфигуллин. Җыенда Сатышның Тукай, Киров урамнарында салынган йортларга газ, су кертү буенча сорауларга район башлыгы урынбасары Расих Закирҗанов җавап бирде. Ма­малайның Ленин урамында­гы  яшәү­челәрне борчыган озын агач­лар­ны кистерү дә планда каралачак.