Картлыгы шатлыкта уза

Тимершык авылында туган кыз сугыш чорында өлкәннәр белән беррәттән кырда урак ура, ындыр табагында хезмәт куя, урман кисә. Җиде сыйныфны тәмамлаганнан соң биш ел тегү артелендә оекбашлар, шәлләр, бүрекләр тегә. 1953 елда Свердловскига китеп 1957 елга кадәр Уралмаш заводында эшли. Шул ук елны туган ягына кайтып, авылдашы Әхмәдулла Канәфиев белән гаилә коралар. Бер ул тәрбияләп үстерәләр. 1976 елдан лаеклы ялга чыкканчы мәктәп ашханәсендә пешекче булып эшли. Үзенең ягымлылыгы һәм күңел җылысын кушып әзерләнгән тәмледән-тәмле ризыклары белән укытучылар һәм укучыларның ихтирамын яулый. Ике оныгы , алты оныкчыгына да кадерле,яраткан әби ул.

Сания Габдрахман кызы биш вакыт намазын калдырмыйча, илгә-көнгә хәер-дога кылып, улы Рафис гаиләсе тәрбиясендә имин, бәхетле картлык кичерә.

Фото: saby.tatarstan.ru