Лесхоз интернат-йортында скандинавия йөреше буенча дәрес

Инструктор, йөреш башланыр алдыннан кан басымын, катнашучыларның гомуми хәлен тикшерде, каешларның озынлыгын, таякларның кулларда ничек торышын контрольдә тотты. Скандинавия йөрешенең терәк-хәрәкәт системасына уңай йогынтысы турында мәгълүмат җиткерде. Таякка таяну тез буыннарына, шулай ук башка сөякләргә йөкләнешне киметә. Бу хәл кул-аяк буыннары авырулары вакытында скандинавия йөрешен уңышлы кулланырга мөмкинлек бирә.

Шөгыльнең максаты: өлкәннәрдә һәм мөмкинлекләре чикләнгән кешеләрдә, скандинавия йөреше техникасы ярдәмендә психологик һәм физик сәламәтлеген ныгыту һәм саклау өчен шартлар тудыру.

Фото: saby.tatarstan.ru

Чыганак: saby.tatarstan.ru