Сәяси вакыйгалардан читттә калмыйлар

 “Бердәм Россия” партиясеннән Татарстан Республикасы Дәүләт Советына депутатлыкка кандидатлар күрсәтүгә кандидатуралар сайлап алу буенча алдан тавыш бирүдә (праймериз) катнашу өчен сабалылар мәдәният  йортында  урнашкан хисап участогына актив  килүне дәвам итә. Биредә участок хисап  комиссисе рәисе Илнар Гайнуллинның әйтүенә караганда  исемлеккә  кертелгән 1290 кешенең  яртысыннан  артыгы тавыш бирергә өлгергән иде. “Безнең мондый  сәяси мөһим вакыйглардан бервакытта да читтә калганыбыз юк. Алдан сайлап тавыш бирү булсынмы, сайлау көнеме, участокка киләм, – диделәр участокттан  чыгып   килүче  яшь  парлар. “Сабагро” җәмгыятеннән  Рүзил Әсәдуллин да   шундый  фикердә. Халыкка уңайлы булсын өчен кандидатларның фоторәсемнәре белән исем-фамилияләре күрсәтелгән стендлар  әзерләнгән. Сабалылар партия  исемлеге буенча исемлеккә кергән кандидатлар белән шуннан карап танышалар.