Каен җиләге

Каен җиләге тәме.

Күңелемнән бер дә китми,
Каен җиләге тәме.
Җиләкләрдән иң тәмлесе,
Каен җиләге - тәмле

Хуш исләре, һич ялгансыз,
Керә борынны ярып
Үлән арасыннан иелеп,
Аласың эзләп табып.

Куясың да уч төбенә.
Торасың бераз иснәп.
Тәмле хуш ис,җиләк исе.
Кабасың әзрәк- тешләп.

Тел өстендәге җиләкне,
Чәйнәмисең,йотмыйсың.
Әкрен генә суырасың.
Бик тиз генә сытмыйсың.

Шул чагында , ИХ, тоясың.
Каен җиләге тәмен.
Җиләк җыючылар белә,
Җиләкченең - ул хәлен.

Фәһим Хәбибуллин.

Кибәче - Яр Чаллы.