Саба таңнары
  • Тат Рус Лат
  • “Ак Барс” хоккей командасы Череповец кунакларын 4:2 исәбе белән җиңде

    Казан хоккейчылары рәттән сигезенче җиңүләрен яуладылар.

    Бүген “Ак Барс” хоккей командасы Казанда “Татнефть-Арена” боз сараенда Череповец шәһәренең “Северсталь”командасын 4:2 исәбе белән җиңде. “Северсталь”нең Казанда 2012нче елдан бирле җиңгәне юк, бүген дә “Ак Барс” хоккейчылары Череповец кунакларына өстенлекне алырга мөмкинлек бирмәделәр.

    “Ак Барс” хоккейчысы Данис Зарипов, бүгенге“Ак Барс” – “Северсталь” уенына халык трибуналарны тутырып килсә, чәчен пеләшкә алачагын белдерткән иде, ләкин “Татнефть-Арена” трибуналарында буш урыннар күренде.

    Беренче период. Өченче минутта “Северсталь” уенчысы Владислав Кодола исәпне ачып җибәрде (0:1). Бишенче минутта “Северсталь” хоккейчысы Руслан Карлин икенче кертелгән алканың хуҗасы булды (0:2). Берничә секунд үтү белән Артём Лукоянов “Ак Барс” өчен алка кертеп куйды (1:2). Унбишенче минутта “Ак Барс” һөҗүмчесе Алексей Потапов исәпне тигезләштерде (2:2).

    Икенче период. Икенче егерме минутлык, беренчесеннән аермалы буларак, кертелгән алкаларга бай булмады. Унҗиденче минутта Владислав Кара “Ак Барс” командасы өчен һәм гомумән Континенталь хоккей лигасында үзенең беренче алкасын кертте (3:2).

    Өченче период. Уналтынчы минутта “Ак Барс” һөҗүмчесе Иржи Секач, алка кертеп, исәпне үзгәртте (4:2). Шулай итеп, “Ак Барс” хоккей командасы рәттән сигезенче җиңүен яулады.

    Командалар составы:

    “Ак Барс”:
    Подъяпольский (Гарипов);
    Секач – Азеведо – Зарипов, Яруллин – Марков;
    Лукоянов – Михеев – Потапов, Абросимов – Лямкин;
    Глухов – Попов – Галиев, Манухов – Постма;
    Ткачев – Свитов – Клинкхаммер (Кара).

    “Северсталь”:
    Артамкин (Магарилов);
    Гераськин – Трубачёв – Вовченко, Корнеев – Лекомцев;
    Монахов – Карлин – Щербина,Хохлов – Михеев;
    Захарчук – Яшин – Рыбин, Кулда – Кудако;
    Пестушко –Кодола– Странски (Лапин), Хабаров.

    Киләсе уенны “Ак Барс” Санкт-Петербург шәһәрендә “СКА” командасына каршы үткәрәчәк. Матч 6 декабрь 19:30 сәгатьтә башлана.

    Фото: архив/Ильнар Тухбатов

    https://tatar-inform.tatar

    Нравится
    Поделиться:
    Реклама
    Комментарии (0)
    Осталось символов: