Татарстан спортчылары катнаш көрәш буенча Россия чемпионаты призерлары булды

Татарстан көрәшчеләре ММА-2018дә Россия чемпионаты призерлары булды. Чиләбедә 2018 елгы катнаш көрәш буенча Россия чемпионатына йомгак ясадылар.

• Турнир 12-14 майда “Трактор” Боз аренасында узды һәм анда Россиянең 38 төбәгеннән 150 спортчы катнашты. Ярышлар 8 үлчәү категориясендә узды һәм ММА буенча Россия җыелмасы составына сайлап алу да булып торды.

Чемпионатның махсус кунагы UFC чемпионы Хәбиб Нурмагомедов булды.

Татарстанны турнирда Әлмәт ММА федерациясе көрәшчеләре – ММА буенча Европа чемпионнары Шарапудин Магомедов һәм Арсен Даудгаджиев тәкъдим итте.

Россия чемпионатында Шарапудин бронза, ә Арсен Даудгаджиев көмеш призер булдылар.

Фото: с сайта Союза ММА России