Саба таңнары

Ноябрь нинди «күчтәнәч»ләр вәгъдә итә?

Көзнең соңгы ае түбәндәге яңалыклар алып киләчәк.

Очкычта

5 ноябрьдән очкычларда багажга карата таләпләр үзгәрә. Федераль авиация кагыйдәләренә кертелгән төзәтмәләр буенча, пассажир зур багажын гына түгел, кулындагы кечкенә сумкасын да үлчәтергә тиеш була. Баксаң, моңа кадәр россиялеләрнең 65 проценты багаж өчен бөтенләй түләми йөргән. Яңа канун нигезендә исә биш килодан арткан сумканы үзең белән бортка алырга рөхсәт ителмәячәк. Хәер, багаж өчен бәяне һәр авиакомпания үзе куя.

«Аэрофлот» авиакомпаниясе хезмәткәрләре аңлатуынча, аларда бер кеше 10 килодан артмаган кул йөген үзе белән алырга хокуклы. Кул йөгенә хатын-кыз сумкасы яки портфель, кулчатыр, китап, кесә телефоны, фотоаппарат, бала арбасы, хәтта чәчәк бәйләме дә керә. Аларның авырлыгын үлчәп тормаячаклар. Пассажир таләп ителгән авырлыктан арткан багажы өчен акча түләүдән баш тартса, авиакомпания аның белән килешүне өзәргә дә мөмкин. Билет өчен акчалар кире кайтарылмаячак.

Машинада

 

Россиядә гамәлгә кергән «Транспорт чараларының куркынычсызлыгы турында»гы яңа закон нигезендә, 1 ноябрьдән җәйге резиналы тәгәрмәч белән йөрү тыела. Моның өчен 500 сум штраф салыначак. Казан шәһәре ЮХИДИ идарәсе пропаганда бүлеге өлкән инспекторы Александр Раскатов әйтүенчә, кышкы тәгәрмәчкә күчкәннән соң, машинага «Ш» хәрефе төшерелгән билгене кую да мәҗбүри. Бу кагыйдәне бозган өчен шулай ук 500 сум штраф каралган.

20 ноябрьдән ЮХИДИ хезмәткәрләре яңа регламент буенча эшләячәк. Бу документ буенча, алар машинаны теләсә кайчан, теләсә кайда туктата алачак. Регламенттан ЮХИДИ хезмәткәрләрен видеога төшерергә рөхсәт иткән бүлек тә төшеп калган. Ләкин шунысы да бар, Гражданнар кодексы һәм «Полиция турында»гы закон нигезендә, кеше полиция хезмәткәре белән аралашуны яздырырга, камерага төшерергә хокуклы. Тагын бер яңалык: инспекторлар юл һәлакәте турында белешмә бирмәячәк. Бу документ ОСАГО буенча иминиятләштерү компанияләренә мөрәҗәгать иткәндә кирәк. Һәлакәт була калса, автомобиль хуҗаларына – евроберкетмә тутырып, бәхәс килеп чыккан очракта, мәсьәләне суд аша хәл итәргә туры киләчәк.
Регламентта инспекторларга, халык белән аралашканда, мөмкин кадәр әдәпле, итагатьле булырга кирәклеге дә искәртелгән. Машина йөртүчеләр дә, инспектор кушса, машинадан чыгарга, документларны тышлыксыз килеш ЮХИДИ хезмәткәренең кулына тапшырырга тиеш булачак.

Икътисадта

1 ноябрьдән Татарстанга төрек помидорлары кабат кайта. Былтыр Сүриядә Россия очкычы белән булган фаҗигадән соң, Россиягә Төркиядән азык-төлек кертү тыелган иде. Тиздән, Россия министрлар кабинеты рөхсәте белән, кибетләргә 50 мең тоннадан артык помидор кайтартылачак.

1 ноябрьдән Республика ярдәм фонды «Татфондбанк» һәм «ИнтехБанк»тан зыян күргән юридик затларга акчаларын кайтара башлаячак. Әлеге максатта «Татэнерго» һәм «Сетевая компания» оешмалары ярдәме белән җыелган хәйрия акчалары файдаланылачак.
Ноябрь – салым түләү өчен соңгы ай икәнен дә истән чыгармаска киңәш итә салым инспекторлары. 1 декабрьгә кадәр җир, күчемсез милек, транспорт салымын түләп калырга кирәк. Вакытында түләнмәгән салым өчен пенилар артачак. Салым түләү турындагы квитанцияләр һәркемнең өенә килмәскә дә мөмкин. Әгәр салым инспекциясе сайтында шәхси кабинетыгыз бар икән, барлык мәгълүмат электрон формада җибәреләчәк.

 

http://shahrikazan.com

Нравится
Поделиться:
Реклама
Комментарии (0)
  • 6 ноября 2017 в 20:29
    Соревнования по корэш среди мужчин на призы газеты «Саба таннары»
  • 23 октября 2017 в 15:42
    День призывника в Сабинском районе
  • 22 сентября 2017 в 12:09
    Газетабызның 22 СЕНТЯБРЬ санында чыккан белдерүләр Стеновые и перегородочные керамзитовые блоки, канализационные кольцы, перемычки, брусчатка, бордюры, фундаментные блоки. Тел.:8(84364)39-7-42,89274305254. Прицеплар сатыла. Тел.:89173974817. Кыйбат бәядән металлолом җыябыз. Килеп алабыз. «КамАЗ»- манипулятор.Тел.:89274054649, 89272434977. Сатышевская «Стройбаза»: Автоматические ворота, пиломатериалы,...
  • 20 сентября 2017 в 06:41
    Газетабызның 20 СЕНТЯБРЬ санында чыккан белдерүләр Бетон, раствор. Доставка. Тел.:89274299800. Нәселле үгезбозаулар сатабыз. Тел.:89867120699. Откосные материалы в нарезку. Тел.: 89173993893. Сабинские окна Таш, ком, ПГС, вак таш, карер комы, торф. Тел.:89377728345,Эльмир. Бозаулар 1200.Тел.:89393371247. Ит токымлы үгезләр,...
  • 15 сентября 2017 в 16:56
    Игътибар! Эшкә чакырабыз! "Саба таңнары" редакциясенә компьютерны яхшы белүче web редактор чакырыла. Белешмәләр өчен телефон: 2-30-58
  • 20 ноября 2017 в 09:34
    Данир Сабировның хатыны Миләүшә «Лучше всех»та катнашуның күпмегә төшүен әйтте Беренче каналда күрсәтелә торган иң рейтинглы тапшыруларның берсе - «Лучше всех»та Казан кызы Мәрьям Сабирова да катнашты. Кем кызы икәнен игълан итмәгән очракта да, аны Данирныкы икнен аңларга була. Мәрьям әтисе кебек үк сыгылмалы, бик матур бии һәм сүзгә дә аптырап тормый.
    1295
    0
    3
  • 20 ноября 2017 в 07:39
    Данир Сабировның кызы Мәрьям "Беренче канал"да Галкин тапшыруында катнашты “Беренче канал”да Максим Галкинның “Лучше всех” тапшыруында танылган юмор остасы, җырчы, пародист Данир Сабировның кызы Мәрьям тамашачыларны шаккаттырды. Мәрьямнең “Беренче канал”га бару тарихын әтисе Данир “Татар-информ” хәбәрчесенә сөйләп үтте.
    764
    0
    1
  • 19 ноября 2017 в 16:06
    ДИЛӘ НИГЪМӘТУЛЛИНА: «БАРМАГАН ҖИР, ОЧРАШМАГАН КЕШЕ, ӨШКЕРМӘГӘН ӘБИ КАЛМАДЫ” Моннан 3-4 ел элек җырчы Дилә Нигъмәтуллина сәхнәдә сирәк күренә башлады, хәтта Казандагы концертын күчергән иде ул. Җырчы шәхси тормышы турында беркемгә берни дә сөйләмәде. Ләкин соңыннан билгеле булганча, ул авыру әнисен караган. Кызганычка каршы, Флүрә ханымны коткара алмаганнар, яман чир аны алып киткән. Бу хәлләргә шактый вакыт узса да, Дилә бары хәзер генә ул чакларны искә төшерергә үзендә көч тапты. Җырчы газиз әнкәе турында сөйләгәндә, әрнүен, күз яшен тыя алмады... Игътибарыгызга Дилә Нигъмәтуллина белән эксклюзив әңгәмәбезне тәкъдим итәбез.
    689
    0
    0
  • 21 ноября 2017 в 11:06
    Сабага эшкә кайткан яшь механизаторлар (фото) Ветераннарга алмашка килгән яшь механизаторлар:
    569
    0
    0
  • 20 ноября 2017 в 14:19
    Президент бүләген алучылар арасында сабалылар да бар Президентыбыз Рөстәм Миңнеханов урып җыю эшләре башланганчы “Иң яхшы комбайнчы 2017” бәйгесен игълан иткән иде.
    548
    0
    0
  • 20 ноября 2017 в 12:34
    "Ничек исән калганмындыр..." Аралашырга, сөйләшергә яраткангамы, бик күпләр миңа күргәннәрен, язмышларын сөйлиләр. Кемдер шул рәвешле эчен бушатырга, кичерешләрен уртаклашырга теләсә, кемгәдер бер җылы сүз, киңәш кирәк. Нәсимә апа да күпне күргән икән. Тормыш юлын, анда очраган авырлыклары турында сөйләгәндә авызына каратты да куйды мине әлеге мөлаем татар апасы. Бик күпне бәян итте ул, ләкин укучыларны ялыктырмас өчен, аның белән булган бер хәлне генә язып үтәм.
    483
    0
    0
  • 21 ноября 2017 в 10:15
    Сабаның иң оста пешекчеләре (фото) Урып-җыю чорында иң күп кешегә сыйфатлы ризыклар белән хезмәт күрсәткән алдынгы ашханә мөдирләре:
    469
    0
    2
  • 21 ноября 2017 в 07:44
    Илсөя Бәдретдинова: “Концертыма килгән меңләгән кеше дивана дигән сүз бу!” Сәхнәгә ул дөреслекне җырлап күтәрелде һәм аның концертларына халык яратып йөри. Илсөя Бәдретдинова – татар эстрадасында кешенең йөзенә дөресен бәреп җырлаучы сирәк башкаручыларның берсе. “Алтын йолдыз” Милли музыкаль премиясенә җырчы беренче тапкыр гына дәгъва кылмый
    424
    0
    0