Россиянең Гадәттән тыш хәлләр министрлыгы башлыгы Евгений Зиничев вафат

Норильск шәһәрендә Россиянең гражданлык оборонасы, гадәттән тыш хәлләр һәм табигать бәла-казаларын ликвидацияләү эшләре министрлыгы башлыгы Евгений Зиничев һәлак булган.

Һәлакәт Красноярск краенда узган ведомствоара өйрәнүләр вакытында килеп чыккан. Бу хакта министрлыкка сылтама белән ТАСС хәбәр итә. Евгений Зиничевка нибары 55 яшь кенә тулган булган.

«Тирән кайгы белән Норильскида арктик зонаны гадәттән тыш хәлләрдән саклау буенча ведомствоара өйрәнүләр барышында кеше гомерен саклап калу өчен, МЧС башлыгы Евгений Зиничев фаҗигале төстә һәлак булды», — дип белдерә Россиянең Гадәттән тыш хәлләр министрлыгы матбугат чараларында. 

Фото: t.me/tatmediaofficial

Чыганак: tatar-inform.tatar