Кышка бик тәмле «Мохито» ясыйбыз

Иң элек 3 литрлы банкаларны парда 2-3 минут кайнарлап алабыз. Шуннан соң һәр банкага 4 кисәккә бүленгән ярты апельсин, банканың 1/3 өлеше күләмендә чеме белән кызыл  карлыган, бер тармак мята, бер бокал яки агач аш кашыгы белән 9 кашык шикәр комы салабыз. Банкаларны кайнап торган су белән тутырып, стерильләштерелгән калай капкач белән ябабыз , шикәре эреп беткәнче тәгәрәтәбез һәм капкачын аста калдырып, төреп, суы суынганчы тотабыз. Компот салкынча урында бик яхшы саклана, әчеми.