5 июнь — Бөтендөнья әйләнә-тирә мохитне саклау көне
Ел саен 5 июньдә Бөтендөнья әйләнә-тирә мохитне саклау көне билгеләп үтелә, Россиядә әлеге көн экологлар бәйрәме буларак та үзенчәлекле. XXI гасыр башында дөньяда экологик халәт кискен начарлана башлады. Шуңа да төп мәсьәлә – әйләнә-тирә мохитне саклау хакына табигатькә карата сакчыл мөнәсәбәт булдыру. Соңгы елларда сабалылар табигатебезнең чисталыгы үзләренә бәйле икәнен аңлый башлады. Ничек кенә булмасын, бакча артларын, елга буйларын чүплеккә әйләндерү гадәтеннән арынып киләбез.
