Казан имамы фитр-садаканы кемгә бирергә ярамаганын сөйләде

автор, 24 февраль 2026, 15:27

458

Фитр-садака мохтаҗлар файдасына түләнә, ләкин кайбер чикләүләр белән. Бу хакта «Татар-информ» га биргән әңгәмәсендә Казанның «Гаилә» мәчете имамы Рөстәм Хәйруллин сөйләде.

"Беренче чиратта, туганнарыгыз яки күршеләрегез арасында мохтаҗларга игътибар итегез. Әгәр андыйлар юк икән, алга таба барыгыз: мәхәллә, район, микрорайоныгызда бардыр бәлки. Кайдадыр Африкада мохтаҗларны эзләргә кирәкми", - диде имам.

Шул ук вакытта фитр-садаканы турыдан-туры туганнарга: ата-аналарга,әби-бабайларга, балаларына һәм оныкларына бирү тыела.

"Чөнки аларны тәэмин итү – безнең өстә. Әнием ач булса, мин җәннәткә кермәячәкмен. Әгәр минем әби ач булса, мин җәннәткә кермәячәкмен. Балаларым, оныкларым ач булса, мин җәннәткә кермәячәкмен", - дип өстәде Хәйруллин.

Исегезгә төшерәбез, Исегезгә төшерәбез, 2026 елда ТР мөселманнары Диния нәзарәте фитыр сәдакасын түләү өчен нисаб күләмен 120 мең сум (көмеш буенча) дип билгеләде. Фитыр сәдакасының аз күләме – 200 сум, зәкят чыгарырлык байлыгы булган кешеләргә – 1200 сум.

Фото: © Рамиль Гали / «Татар-информ»