Сатыш авылы мәчетендә хатын-кызлар өчен вәгазь кичәсе узды

 Кичәгә Теләче районы имам-мөхтәсибе, Татарстан Республикасының төньяк төбәге казые Исмәгыйль хәзрәт Фәләхиев һәм аның тормыш иптәше Гөлназ ханым чыкырылган иде. Кичәнең төп темасы : "Гаилә кыйммәтләре", "Мигьраҗ кичәсе", "Хаҗ кылу әһәмияте" хакында Исмәгыйль хәзрәт үтемле вәгазен сөйләде, Гөлназ ханым бала тәрбияләү ысуллары, балаларны динле итеп үстерү мөһимлеге хакында аңлатып, нәсыйхәтен  җиткерде. 
Килүчеләр үзләрен кызыксындырган сорауларына җавап алдылар. 
Сатыш авылы имам-хатыйбы Алмаз хәзрәт һәм кичәне оештыручы остазбикә Рәзилә Гыйльманова килүчеләргә кечкенә генә бүләкләр тапшырып, килгән кунакларга олы рәхмәт сүзләрен ирештерделәр. Кичә күмәк намаз уку белән тәмамланды.