Юл-транспорт һәлакәте Җиңү проспектында булган.
Казанның Җиңү проспектында җәяүле хатын-кыз катнашында юл фаҗигасе килеп чыккан. Хатын-кыз "Опель" автомобиленә тапталып үлгән. Бу турыда "Татарстан-24" телеканалы хәбәр итә.
Җиңү проспектында чит ил маркалы машина барган җирдән тротуарга килеп кергән һәм койманы җимереп, берничә тапкыр әйләнеп капланган. Шушы вакытта җәяүле хатын-кыз иномаркага тапталган һәм алган тән җәрәхәтләреннән хастаханәдә үлгән.
Автомобиль салонында манина йөртүченең хатыны белән баласы да булган. Хатын-кызның тәне бераз сыдырылган, ә баланы хастаханәгә озатканнар. Машина хуҗасы җитди имгәнүләр алмаган. Беренчел мәгълүматлар буенча, иномарка йөртүчесе исерек булган.
Нет комментариев