Казандагы заводта өч ир-ат наркотиклар белән агуланган, шуларның икесе үлгән
Казандагы заводларының берсендә аңсыз хәлдәге өч ир-атны табып алганнар. «Татар-информ»га билгеле булганча, аларны иртәнге сменага эшкә килгән хезмәттәшләре күреп ала. Шунда ук ашыгыч ярдәм чакыртканнар.
Килгән табиблар ике ир-атның үлемен терки, аларга 28 һәм 34 яшь. Тагын бер зыян күргән 28 яшьлек ирне хастаханәгә илткәннәр.
«Авыруның хәле тотрыклы рәвештә авыр, үз аңында, ясалма сулыш аппаратына тоташтырылган», – дип сөйләделәр «Татар-информ»га республиканың Сәламәтлек саклау министрлыгының матбугат хезмәтендә.
Агентлыкка килеп ирешкән мәгълүматлар буенча, ир-атларның гәүдәләре янында синтетик наркотиклар тапканнар.
Чыганак :https://tatar-inform.tatar/news/
Следите за самым важным и интересным в Telegram-каналеТатмедиа
Нет комментариев