Жирәбә үткәрелде

18 сентябрьдә узачак Дәүләт Думасына сайлауларга бер айга якын вакыт калды. Сайлауларда катнашачак сәяси партияләр һәм бермандатлы округлар буенча теркәлгән кандидатлар өчен 20 августтан агитация чоры башлана һәм 16 сентябрьдә төгәлләнә. Быелгы сайлауларда мәгълүмат чараларында бушлай урын алу өчен жирәбә Казанда үткәрелде. "Саба таңнары" газетасында агитация материалы урнаштыру өчен жирәбә 17 августта "Казан" милли-мәдәни үзәгендә булды. Билгеле булганча, сайлауларда 14 сәяси партия һәм бермандатлы округлардан 43 кандидат катнашачак. Район газетасында 24 августтан башлап 16 сентябрьгә кадәр дүрт чәршәмбе санында аларның барысына да бертигез күләмдә урын биреләчәк.