«Хезмәтен бизәүче гүзәл зат»

Шәрифуллина Гүзәл Хатип кызы.  Гүзәл турында белмәгән кеше сирәктер Сабабызда! Эшләмәгән эше, белмәгән һөнәре юктыр аның. Бүгенге көндә Саба электр челтәрендә хезмәт куя, шуның өстенә Саба үзәк мәчетенең баш хисапчысы һәм әле ире Ильдар белән берлектә уртак эшләре дә бар- агачтан төрле матур эшләнмәләр эшләп халыкны сөендерә алар. 
Гүзәлдән башка бер генә дини чара да узмый Сабабызда, чөнки ул бик оста оештыручы, "Хәят" хатын - кызлар оешмасының зур проект эшләрендә дә аның роле бик зур! "Гүзәл булса - була!" диләр аның турында зурлап. 
Шундый уңган дустым булуы белән мин бик горурланам! 
Гөлия Нигъмәтҗәнова.