21 март - Халыкара урман көне
1971 елдан бирле һәр елны 21 мартта Халыкара урман көне билгеләп үтелә. Аны башкача Бөтендөнья урманнар саклау көне дип тә атыйлар. Бу көнгә Берләшкән Милләтләр оешмасының 23нче Генераль Ассамблеясында Европа Авыл Хуҗалыгы Конфедерациясе инициативасы белән нигез салына. 2012 елда БМО Генераль Ассамблеясы Халыкара урманнар көнен - International Day of Forests - раслау турында резолюция кабул итте, бу аларны саклауның мөһимлеге турында һәрвакыт хәтердә тоту зарурлыгы белән бәйле һәм урманнарның безнең тормышта нинди әһәмиятле роль уйнавы турында планета халкының исенә төшерергә тагын бер сәбәп тә булып тора.
Хөрмәтле Саба районы Урман хуҗалыгы хезмәткәрләре һәм ветераннары!
Һөнәри бәйрәмегез белән ихлас котлауларыбызны кабул итегез!
Бу көнне без урман ресурсларыннан рациональ файдалануда катнашучыларны, ә аннары аларны яңадан торгызуда һәм арттыруда катнашучыларны хөрмәтлибез. Сез – дөньябызның иң кыйммәтле хәзинәсен – Гүзәл табигатебезне, «Яшел үпкәләрне» саклаучылар!
Нәкъ менә урман кешеләргә көч һәм гармония бирә. Ә безнең Саба җире һәрвакыт матурлыгы белән дан тоткан. Районның матур табигатен саклау, аны киләчәк буыннар өчен саклап калу – безнең уртак бурыч. Бу авыр, әмма игелекле эш, һәм без сезгә һөнәри осталыгыгыз, фидакарь хезмәтегез, сайлаган һөнәрегезгә тугрылыгыгыз өчен рәхмәт белдерәбез. Безнең районның урман хуҗалыгы һәм урман сәнәгате ветераннарына чын күңелдән рәхмәт белдерәбез!
Хөрмәтле урман хезмәткәрләре! Барыгызга да игелекле хезмәтегез һәрвакыт рәхмәтле булсын һәм зур канәгатьлек китерсен! Гаилә һәм дуслар һәрвакыт тормышта ышанычлы терәк булсын!
Сезгә һәм якыннарыгызга нык сәламәтлек һәм иминлек телибез!
Следите за самым важным и интересным в Telegram-каналеТатмедиа
Нет комментариев