Ясалма фәһем куллануны киметү өчен, өй эшен телдән тикшерергә тәкъдим иттеләр
Россия мәктәпләрендә, укучылар эшне ничек башкарганын аңлатып бирсен өчен, өй эшләрен телдән тикшерергә кирәк, дип белдерде РИА Новостига РФ Иҗтимагый палатасы секретаре урынбасары Владислав Гриб. Аның сүзләренчә, бу укуда ясалма фәһем куллануны киметергә мөмкинлек бирәчәк.
Гриб билгеләп үткәнчә, укучының ясалма фәһем ярдәмендә биремнәрне үтәвенә, аны тапшырып бишле алуына юл куймаска кирәк. Аның искәртүенчә, өй эше телдән тикшерүгә мохтаҗ: укучы язма эш алып килергә генә түгел, ә аны ничек эшләгәнен телдән аңлатып бирергә дә тиеш.
РФ Иҗтимагый палатасы секретаре урынбасары шулай ук билгеләп үткәнчә, укучылар үз белемнәрен телдән раславы зарур, югыйсә биремнәрне үтәгәндә ясалма фәһем куллану артачак кына, бу укучыларның да, укытучыларның да үз-үзләрен алдавына китерәчәк. Аның фикеренчә, дәресләрдә өй эшләрен нәкъ менә телдән тикшерүгә күбрәк вакыт бүлеп бирергә кирәк.
Тулырак: https://tatar-inform.tatar/news/v-op-predlozili-proveryat-domasnie-zadaniya-ustno-ctoby-snizit-ispolzovanie-ii-5926582
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев